या निवासी शाळेत दिव्यांग विद्यार्थ्यांच्या सर्वांगीण विकासासाठी:
प्रशिक्षित तज्ञ शिक्षक व कर्मचारी आहेत.
दिव्यांग विद्यार्थ्यांसाठी मोफत निवासी वसतीगृह उपलब्ध आहे. रात्री झोपण्यासाठी मुलांसाठी व मुलींसाठी स्वतंत्र व्यवस्था – मुलांसाठी रात्रीच्या वेळी पुरेसे काळजीवाहक व मुलींसाठी रात्रीच्या वेळी महिला काळजीवाहक उपस्थित असतात.
पुरेसे स्वच्छतागृह व स्नानगृह, अंथरून, पांघरून, ड्रेस, शैक्षणिक साहित्य, क्रीडा साहित्य उपलब्ध आहेत.
वसतीगृह व्यवस्थापन समितीद्वारे सुरक्षा आणि काळजी सुनिश्चित केली जाते.
शाळेमध्ये विद्यार्थ्यांसाठी शैक्षणिक व क्रीडा साहित्य उपलब्ध आहे. आधुनिक सहाय्यक उपकरणे, खेळ, सांस्कृतिक उपक्रमांसाठी साहित्य ठेवले आहे.
विशेष शिक्षणासाठी आवश्यक असलेले पुस्तके व टीचिंग एड्स शाळेकडून मिळतात.
शाळेमध्ये संगणक कक्ष उपलब्ध आहे. विद्यार्थ्यांना संगणक प्रशिक्षण दिले जाते.
आत्मनिर्भर बनण्यासाठी तसेच पुढील उच्च शिक्षण किंवा तंत्रशिक्षणासाठी मार्गदर्शन व प्रवेश मिळवण्यासाठी संस्थेतील तज्ञ शिक्षक मदत करतात.
एडिप योजनेअंतर्गत आधुनिक मानक उत्कृष्ट सहाय्यक उपकरणे उदा. श्रवण यंत्रे, श्रवण मीटर उपलब्ध आहेत.
विशेष शिक्षण: भारतीय खुणांच्या भाषेतून (इंडियन साइन लँग्वेज) अत्याधुनिक श्रवण यंत्र द्वारे अध्यापन. श्रवण चाचणी व स्पीच थेरपी, वाचा उपचार पद्धतीचा विशेष उपयोग.
आरोग्य सुविधा: नियमित वैद्यकीय तपासणी. उपचार कक्ष, श्रवण चाचणी कक्ष आणि प्रारंभिक हस्तक्षेप विभाग (शीघ्र निदान व पालक मार्गदर्शन केंद्र) उपलब्ध.
वाचा उपचार तज्ञ (श्री घाटे अभय चंद्रकांतराव) द्वारे विद्यार्थ्यांना मार्गदर्शन दिले जाते.